ႀကိယာကၞက္ယလၝဪဳတအ္ဂွ္ ခါရၿပံင္ဗဒွ္မနာံမၢး နဲကဲအၿပံင္အလွာဲေဍံ ႏြံတၜရ။ အကၡရ္ကၞက္ မကြက္စုတ္လ၀္လက္သန္ကၞက္ ( -် ) သာ္ဏံဂွ္ ဒွ္အကၡရ္ (ယ) မြဲမဓ၀္ေရာင္ မည္ပိုယ္ညးမဗွ္လိက္မည္ေလပ္တံ စၞတ္သမၱီေကတ္လ၀္။ ပၞိက္တႜဗလံက္လိက္ပတ္မည္ဏံ သာ္ဂွ္ဟြံေသင္။ အကၡရ္မေထက္ကဪုဒွ္လက္သန္ကၞက္ ( -် ) မဖွ္သာ္ဂွ္ ႏြံအကၡရ္ပန္မ။

(၁) အကၡရ္ယ၊
(၂) အကၡရ္စ၊
(၃) အကၡရ္ဇ၊
(၄) အကၡရ္သ။

အကၡရ္ပန္အကၡရ္ဏံ မမိက္ကဪုမြဲမြဲအကၡရ္ ဒွ္လက္သန္ကၞက္ ( -် ) အခိုက္မည္ပိုယ္မခ်ဴဒၞံင္ေခတ္လၞဳဟ္ဏံရ။ စပ္ကဪုလက္သန္ကၞက္ ( -် ) ဏံတုဲ မိက္ဂြံထုဲဒရုဲ တ႟န္ေတ႟ာဲတၜညိရ။ ႓ိုန္ဂွ္ေလ၀္ လၝတ္ေဍံမၢး တၞးၿပာကတ္ကႜဳင္ ပႛဲစိုတ္သိုက္က္ရ။ ဗြဲစၞတ္တုန္၊ ပႛဲမႀကိယာမၿပံင္ဗဒွ္မနာံေဟင္ သၵးၿပံင္လွာဲေကႜံ လက္သန္ကၞက္ ( -် )ဂွ္ ဟြံေသင္၊ ပႛဲအကမၼကႀကိယာ Intransitive Verb မၿပံင္ဗဒွ္သကမၼကႀကိယာ Transitive Verb ဂွ္ကီု၊ ပႛဲသကမၼကႀကိယာ Single Transitive Verb မၿပံင္ဗဒွ္ဒြိကမၼကႀကိယာ Double Transitive Verb ဂွ္ကီု၊ သၵးၿပံင္လွာဲေကႜံ လက္သန္ကၞက္ ( -် ) မႝဳံကဪုအကၡရ္ပန္မလတူဂွ္ရ။ ပႛဲဒႝဲါ၀ြံ အကမၼကႀကိယာ နဲဂြံၿပံင္လွာဲသကမၼကႀကိယာ၊ သကမၼကႀကိယာ နဲဂြံၿပံင္လွာဲဒြိကမၼကႀကိယာဂွ္ ဟြံမိက္ဂးတၜဏီ။ မႀကိယာ နဲမဂြံၿပံင္ဗဒွ္မနာံေဟင္ မိက္ဂြံလၜထ႟း ကုညးမလၝတ္လိက္ပတ္မည္ပိုယ္တံ။

---

(၁) . . . လက္သန္ကၞက္ ( -်) ဂွ္ ဒွ္အကၡရ္ (ယ) ရမၢး ပႛဲမႀကိယာမၿပံင္ဗဒွ္မနာံဂွ္ အၿပံင္အလွာဲမအကၡရ္ ဟြံမြဲ။ မႀကိယာမဖွ္သာ္ဂွ္ ဆဗႝတ္မဖ်ာ္တရးေကႜံေဍံဂွ္ ဒွ္အာမနာံရ။ ပမာတုန္၊ ရၜမႀကိယာ (က်ိဳင္)။ လက္သန္ကၞက္ ( -်) ပႛဲမႀကိယာ (က်ိဳင္) ဂွ္ ဒွ္ဒၞံင္အကၡရ္ (ယ) ရ။ ဒၞါဂွ္ရ ႀကိယာ (က်ိဳင္) ဂွ္ ဖ်ာ္တရးေကႜံတုဲ ဒွ္အာမနာံ ရၜ၀ြံမၢး (ကယိုင္၊ ကယ်ိဳင္)ရ။

က်ိဳင္ (Transitive Verb) / ကယိုင္၊ ကယ်ိဳင္ (Noun)
ဗ်ိ (Transitive Verb) / ဗယိ (Noun)
ဗ်ဪဳ (Transitive Verb) / ဗယဪု (Noun)
ႀကိယာေသၞဟ္တံဂွ္ ျဂင္ခ်ပ္ေကတ္ နနဲ၀ြံညိ။

တင္စၞတ္။ မႀကိယာကၞက္(ယ) မဖွ္သာ္ဂွ္ ဇကုေဍံ ယ၀္ဒွ္အကမၼကႀကိယာ (Intransitive Verb) မၢး ဖ်ာ္တရးေကႜံကၞက္(ယ)ဂွ္တုဲ ေဍံဒွ္အာသကမၼကႀကိယာ (Transitive Verb) ေလ၀္ႏြံ။ ညံင္မႀကိယာ (ေက်၀္ )၊ ႀကိယာ၀ြံ အကမၼကႀကိယာ။ ဖ်ာ္တရးေကႜံကၞက္(ယ)ဂွ္မၢး ဒွ္အာ (ကေယ၀္၊ ကေယ်၀္) သကမၼကႀကိယာရ။ မႀကိယာမဖွ္သာ္ဂွ္ ယ၀္ပမနာံမၢး ပႛဲလအိတ္အကၡရ္ကႜာအိုတ္ဂွ္ ထပ္စုတ္အကၡရ္ဂစိုတ္ (မ္) သာ္ဂွ္တုဲ ဒွ္အာမနာံ ရၜ၀ြံမၢး (ကမ္ေယ၀္၊ ကေမ်၀္)ရ။

ေက်၀္ (Intransitive Verb) / ကေယ၀္၊ ကေယ်၀္ (Transitive Verb) / ကေမ်၀္ (Noun)
ဂ်ိဳင္ (Intransitive Verb) / ဂယိုင္ (Transitive Verb) / ဂမ်ိဳင္ (Noun)
ဒ်ိဳင္ (Intransitive Verb) / ဒယိုင္ (Transitive Verb) / ဒမ်ိဳင္ (Noun)
ႀကိယာေသၞဟ္တံဂွ္ ျဂင္ခ်ပ္ေကတ္ နနဲ၀ြံညိ။

---

(၂) . . . လက္သန္ကၞက္ ( -် ) ဂွ္ ဒွ္အကၡရ္ယဟြံေသင္တုဲ ႏူတႝံေတံ ေလၞာ၀္ေစွ္ကႜဳင္ ႏူအကၡရ္ (စ) မၢး ပႛဲမႀကိယာမၿပံင္ဗဒွ္မနာံဂွ္ အၿပံင္အလွာဲမအကၡရ္ ႏြံတၜေဟင္။ လက္သန္ကၞက္ ( -် ) မႝဳံပႛဲမႀကိယာမဖွ္သာ္ဂွ္ ကေလင္ပေကႜံအကၡရ္ (စ) တုဲ ႀကိယာဂွ္ ဒွ္အာမနာံရ။ ပမာတုန္၊ ရၜမႀကိယာ (ဖ်း)။ လက္သန္ကၞက္ ပႛဲမႀကိယာ (ဖ်း) ဂွ္ ဒွ္ဒၞံင္အကၡရ္ (စ) ဂွ္ရ လက္သန္ကၞက္ဂွ္ ပေကႜံအကၡရ္ (စ) တုဲ ဒွ္အာမနာံ ရၜ၀ြံမၢး (ဗစး၊ ဗၥး၊ ဗမ္စး၊ ဗမၥး) ရ။

ဖ်း (Intransitive Verb) / ဗစး၊ ဗၥး၊ ဗမ္စး၊ ဗမၥး (Noun)
ဖ်ိဳဟ္ (Intransitive Verb) / ဗစိုဟ္၊ ဗမ္စိုဟ္၊ ဗမၥိဳဟ္ (Noun)
ဖ်ိဳတ္ (Intransitive Verb) / ဗစိုတ္၊ ဗမ္စိုတ္၊ ဗမၥိဳတ္ (Noun)
ႀကိယာေသၞဟ္တံဂွ္ ျဂင္ခ်ပ္ေကတ္ နနဲ၀ြံညိ။

ပႛဲနဲ၀ြံ မႀကိယာလၝဪဳတံဂွ္ အကမၼကႀကိယာ (Intransitive Verb) ဟာ၊ သကမၼကႀကိယာ (Transitive Verb) ဟာဂွ္ ဒးစှစတ္တၜညိရ။ ယ၀္ဒွ္အကမၼကႀကိယာမၢး နနဲလတူဂွ္ စၞတ္သမၱီညိ။ လက္သန္ကၞက္ ( -် ) မႝဳံပႛဲသကမၼကႀကိယာ မပၱံကဪု (ေဖ်ဟ္) ဂွ္ ပေကႜံအကၡရ္ (စ) တုဲ မႀကိယာဂွ္ ဒွ္အာမနာံ ရၜ၀ြံမၢး (ဗေစွ္)ရ။ ႀကိယာ (ေဖ်ဟ္)၀ြံ ကႜဳင္ႏူအကမၼကႀကိယာ (ေစွ္)။ ႀကိယာ (ေစွ္) ၀ြံ လေဆာ၀္မၢး ဒွ္အကမၼကႀကိယာ၊ လေဆာ၀္မၢး ဒွ္သကမၼကႀကိယာ၊ ဗြဲမဗဗြဲကဪုဒႝဲါ၀ါက်ေဍံရ။ ႀကိယာ (ေစွ္) ဂွ္ ထပ္စုတ္အကၡရ္ (ဒ ) ဂတမႀကိယာဂွ္မၢး ဒွ္အာမနာံ ရၜ၀ြံမၢး (ဒေစွ္)။ နဲ၀ြံ အဲ ခ်ဴထ႓းလ၀္တုဲရ။ ဟိုတ္ဂွ္ရ မႀကိယာမဖွ္သာ္ဂွ္ သြက္သကမၼကႀကိယာ ပမနာံဂွ္ မြဲနဲ၊ သြက္အကမၼကႀကိယာ ပမနာံဂွ္ မြဲနဲ။ ႏြံတၜၜ႓ါသာ္ရ။

ေဖ်ဟ္ (Transitive) = ဗေစွ္ (Noun) / ေစွ္ (Intransitive or Transitive) = ဒေစွ္ (Noun)
ေဖ်င္ (Transitive) = ဗေစင္ (Noun) / ေစင္ (Intransitive ) = ဒေစင္ (Noun)
ဖ်ိန္ (Transitive) = ဗစိန္ (Noun) / စိန္ (Intransitive ) = စြိန္ (Noun)
ႀကိယာေသၞဟ္တံဂွ္ ျဂင္ခ်ပ္ေကတ္ နနဲ၀ြံညိ။

တင္စၞတ္။ မႀကိယာမႝဳံလက္သန္ကၞက္ ( -် ) မေလၞာ၀္ကႜဳင္ ႏူအကၡရ္ (စ) ဂွ္ ဇကုေဍံ ယ၀္ဒွ္အကမၼကႀကိယာမၢး Intransitive Verb မၢး ဖ်ာ္တရးေကႜံကၞက္ဂွ္ ေဍံဒွ္အာသကမၼကႀကိယာ Transitive Verb ေလ၀္ႏြံ။ ညံင္မႀကိယာ (ခ်ိဳတ္)။ ႀကိယာ၀ြံ အကမၼကႀကိယာ။ ဖ်ာ္တရးေကႜံကၞက္ဂွ္တုဲ ဒွ္အာ (ဂစိုတ္ ) သကမၼကႀကိယာရ။ ႀကိယာမဖွ္သာ္ဂွ္ ယ၀္ပမနာံမၢး ပႛဲလအိတ္အကၡရ္ကႜာအိုတ္ဂွ္ ထပ္စုတ္အကၡရ္ဂစိုတ္ (မ္) တုဲ ဒွ္အာမနာံ ရၜ၀ြံမၢး (ဂမ္စိုတ္၊ ဂမၥိဳတ္)ရ။

ခ်ိဳတ္ (Intransitive Verb) / ဂစိုတ္ (Transitive Verb) / ဂမၥိဳတ္ (Noun)
ခ်ာဲ (Intransitive) / ဂစာဲ (Transitive ) / ဂမၥာဲ (Noun)
ႀကိယာေသၞဟ္တံဂွ္ ျဂင္ခ်ပ္ေကတ္ နနဲ၀ြံညိ။

---

(၃) . . . လက္သန္ကၞက္ ( -် ) ဂွ္ ဒွ္အကၡရ္ယဟြံေသင္တုဲ ႏူတႝံေတံ ေလၞာ၀္ေစွ္ကႜဳင္ နူအကၡရ္ (ဇ) မၢး ပႛဲမႀကိယာမၿပံင္ဗဒွ္မနာံဂွ္ အၿပံင္အလွာဲမအကၡရ္ ႏြံတၜေဟင္။ လက္သန္ကၞက္ ( -် ) မႝဳံပႛဲမႀကိယာမဖွ္သာ္ဂွ္ ပေကႜံအကၡရ္ (ဇ) တုဲ ႀကိယာဂွ္ ဒွ္အာမနာံရ။ ဆဂး ပႛဲနဲ၀ြံ မႀကိယာဂွ္ အကမၼကႀကိယာဟာ၊ သကမၼကႀကိယာဟာဂွ္ ပိုယ္ဒးစှစတ္တၜညိ။ ညံင္ရၜမႀကိယာ (ဗ်ဴ) ဂွ္ကီု၊ ႀကိယာ၀ြံ ဒွ္ဒၞံင္သကမၼကႀကိယာ Transitive Verb တုဲ လက္သန္ကၞက္ ( -် ) ဂွ္ ပေကႜံအကၡရ္ (ဇ) တုဲ ဒွ္အာမနာံ ရၜ၀ြံမၢး (ဗဇူ)။ ႀကိယာ (ဗ်ဴ) မဒွ္သကမၼကႀကိယာ၀ြံ ကႜဳင္ႏူအကမၼကႀကိယာ Intransitive Verb (ဇူ)။ ႀကိယာ (ဇူ) ဂွ္ ပေကႜံမနာံမၢး ထပ္စုတ္ကၞက္ (န) တုဲ ဒွ္အာမနာံ ရၜ၀ြံမၢး (ဇႝဴ၊ ဇႏူ)ရ။ နဲဏံဂွ္ အဲ ခ်ဴထ႟းလ၀္ကဪုတုဲရ။ ကေလင္သၝှရံင္ညိ။ ေဍံ ဟြံစပ္ကဪုနဲကဲ မမိက္သၢးဒႝဲါဏံ။

ဗ်ဴ (Transitive Verb) = ဗဇူ (Noun) / ဇူ (Intransitive Verb) = ဇႝဴ၊ ဇႏူ (Noun)
ဗ်ဪဳ (Double Transitive) = ဗဇဪု၊ ဗၨဪဳ (Noun) / ဇဪု (Transitive ) = ဇြဪဳ (Noun)
ႀကိယာေသၞဟ္တံဂွ္ ျဂင္ခ်ပ္ေကတ္ နနဲ၀ြံညိ။

မႀကိယာ(ဗ်ဪဳ) ပႛဲဒႝဲါ၀ြံ မႝဳံအဓိပၸဲါမၢး (ဗ်ဪဳပုင္ထင္ဍာ္) ဟြံေသင္။ (ဗ်ဪဳလအက္) ညး႓ါ ညံင္ဂြံဇဪုေသက္ရင္သကအ္ ဇကုပ ဇကုုေကႜာန္ဗဒွ္ဂွ္ မည္တံဟီုစ (ဗ်ဪဳလအက္)။ (ဗ်ဪဳစိင္) ကဪုစိင္႓ါဒိဇဪုရင္သကအ္။ ပႛဲဒႝဲါ၀ြံ ႏြံပၞိက္ကဪုအဓိပၸဲါမၢး (ဗ်ဪဳလအက္၊ ဗ်ဪဳစိင္)ဂွ္ရ။

---

(၄) . . . လက္သန္ကၞက္ ( -် ) ဂွ္ ဒွ္အကၡရ္ယဟြံေသင္တုဲ ႏူတႝံေတံ ေလၞာ၀္ကႜဳင္ ႏူအကၡရ္ (သ) မၢး ပႛဲမႀကိယာမၿပံင္ဗဒွ္မနာံဂွ္ အၿပံင္အလွာဲမအကၡရ္ ႏြံတၜေဟင္။ လက္သန္ကၞက္ ( -် ) ပႛဲမႀကိယာမဖွ္သာ္ဂွ္ ပေကႜံအကၡရ္ (သ) တုဲ မႀကိယာဂွ္ ဒွ္အာမနာံရ။ ပမာတုန္၊ ရၜမႀကိယာ (ခ်ပ္)။ လက္သန္ကၞက္ ( -် ) ပႛဲမႀကိယာ(ခ်ပ္) ဂွ္ နဲလိက္ပတ္မည္ပိုယ္ကႜာေတံ ဒွ္အကၡရ္ကၞက္ (ယ) ဟြံေသင္တုဲ ဒွ္အကၡရ္ကၞက္ (သ ) ေရာင္။ ဒၞါဂွ္ရ မႀကိယာ (ခ်ပ္) ဂွ္ ခါရၿပံင္ဗဒွ္မနာံမၢး လက္သန္ကၞက္ ( -် )ဂွ္ ကေလင္ပေကႜံအကၡရ္ (သ) တုဲ ဒွ္အာမနာံ ရၜ၀ြံမၢး (ကသပ္) ရ။

ခ်ပ္ (Transitive Verb) / ကသပ္ (Noun)
ခ်ဴ (Transitive Verb) / ကသူ (N)
ခ်ဳက္ (Transitive Verb) / ကသုက္ (N)
ခ်ၜ (Transitive Verb) / ကသၜ (N)
ခ်ဟ္ (Transitive Verb) / ကသွ္ (ဂစွ္) (N)
ခ်ှ (Intransitive ) / ကသှ (Transitive) / ကသှ (N)
ဖ်ိဳန္ (Transitive ) / ပသိုန္၊ ဗသိုန္ (N)
ဖ်ဳင္ (Double Transitive) / ဗသုင္ (N) = သုင္ (Transitive) / သြဳင္၊ သမုင္၊ သၞဳင္ (N)
ဖ်၀္ (Transitive) / ဗသ၀္ (N) = သ၀္ (Intransitive) / သၞ၀္ (N)
ဖ်ိဳက္ (Transitive ) / ပသိုက္၊ ဗသိုက္ (N) = သိုက္ (Intransitive) / တသိုက္ (N)
ေဖ်က္ (Transitive) / ဗေသက္ (N) = ေသက္ (Intransitive or Transitive) / ေသြက္ (N)
ႀကိယာေသၞဟ္တံဂွ္ ျဂင္ခ်ပ္ေကတ္ နနဲ၀ြံညိ။ ႀကိယာမပၱံကဪု (ဖ်ိဳန္၊ ဖ်ိဳက္၊ ေဖ်က္)တံဂွ္ ညးမတီအဓိပၸဲါေဍံေလ၀္ႏြံ၊ ညးဟြံတီေလ၀္ႏြံ။ ညံင္ဂြံတီဂွ္ သၸလြှအိုတ္ညိ။

---

တင္စၞတ္။ နဲကဲ အဲမဟီုထ႟းလ၀္ကဪုလတူဂွ္္ ဆဗႝတ္မေၿမာ္ညိကီု။ မႀကိယာတံဂွ္ေလ၀္ ႏြံတၜမဂႜိဳင္။ နကဪုဂၿမင္ညာဏ္ဇကု ဂႜဲါခ်ပ္ဗစာေကတ္အိုတ္ညိ။ တုဲပႜန္ ပကၠတိမနာံလၝဪဳတံဂွ္ေလ၀္ မႝဳံကဪုလက္သန္ကၞက္ ( -် ) သာ္၀ြံတုဲ ဒွ္အကၡရ္ (ယ) ဖအိုတ္ဟြံေသင္။ မပၱံကဪု (ေခ်ံ၊ ေခ်ဟ္၊ ရမ်ွာင္)တံဂွ္တံဂွ္။

The Mon language is an Austroasiatic language spoken by the Mon, who live in Burma and Thailand. Mon, unlike most languages in the Southeast Asian region, is not tonal. Mon is spoken by less than a million people today. In recent years, usage of Mon has declined rapidly, especially among the younger generation. Many ethnic Mon are monolingual in Burmese. In Burma, the majority of speakers live in Mon State, followed by Tanintharyi Division and Kayin State.

The Mon script is derived from Indian Brahmi script and is the source of the Burmese script.
See this article on Wapedia-Wiki: Mon Language

တၝဲ

ဏံ သၞိက္ဂြံပေသာင္ကလး မဂလာန္ေ၀ါဟာရမည္ (ဂတာ္၊ သတာ္၊ ဗတုိက္ ) တုဲ ဇႝတ္အဲမတီဂွ္ အဲ ခ်ဴကလးဏာညိ၊၊ မဂလာန္၀ြံ အၥာေကႝဟ္ အၥာကသူလိက္ပုဦမည္ ေခတ္လၞဳဟ္ဏံ မေကွ္မခ်ဴတၜ ပႛဲကုဪလိက္ကႝပ္ လိက္မဂၢေျဇန္ လိက္ပ႐ုိင္ ပႛဲမပၱံ Website, Blogger, တံဂွ္တံဂွ္ ဂြံဆုဪညာတ္ေကတ္ကုီရ၊၊ ပႛဲကုဪ၀ါက်မမိက္သၢးအဓိပၸဲါ(ဗတုိက္)ဟြံေသင္ကုီေလ၀္ မဂလာန္(ဗတုိက္)၀ြံ မြဲမဓ၀္ေဟင္ ခ်ဴဒၞံင္အုိတ္ရ၊၊

ပၞာတုန္၊

• ပႛဲရးမန္ေတံ ဒမႜဗၞာတံ ဗတုိက္ဒၞံင္ကြာန္မန္ အ႐ုိဟ္တၝဲ၊၊

၀ါက်သာ္ဂွ္ အၥာလိက္ပုဦမည္တံေခတ္လၞဳဟ္ ခ်ဴေရာင္ဂွ္ ဒွ္ဗုိန္၊၊

မႀကိယာမႝဳံရမ်ာင္စမုင္ကုဪမႀကိယာ(ဗတုိက္)ဂွ္ ႏြံတၜမြဲမ၊၊ မႀကိယာ ( ဂတာ္ )၊၊ မႀကိယာဂွ္ လေဆာ၀္ညးခ်ဴေကွ္ (သတာ္၊ ဗတာ္)ကုီ၊၊ အဓိပၸဲါေဍံဂွ္ ဂတာ္ပႜံင္႓းေကတ္ ဗြဲအနိင္၊ ေကတ္ဏာအနိင္အထက္ သၞိက္ဂး၊၊
ဟုိတ္ဂွ္ရ ၀ါက်လတူဂွ္ ႀကဳိက္ကုဪသၵးခ်ဴတၜသာ္၀ြံ၊

• ပႛဲရးမန္ေတံ ဒမႜဗၞာတံ ဂတာ္ဒၞံင္ကြာန္မန္ အ႐ုိဟ္တၝဲ၊၊

သာ္ဂွ္ ယ၀္သခ်ဴမၢး ခုိဟ္သန္၊ အဓိပၸဲါမႀကိယာမမိက္သၢးေလ၀္ တႝဟ္ျခာ၊ ဟြံတ႟န္ေတ႟ာဲတၜရ၊၊ မႀကိယာညံင္ေသၢာံတႝဟ္ျခာတၜမဖွ္သာ္ဂွ္ အဲ ဖန္ဗဒွ္ေကတ္ရ ဟြံေသင္၊၊ ပႛဲလိက္သႜပတ္ လိက္ကႝပ္ အၥာလိက္ပုဦမည္တမႜာတံ မပၱံက်ာ္ေဇႝာ္အၥာအေသြာံ မခ်ဴလ၀္တံဂွ္တံဂွ္ ဗွ္လၝတ္ရံင္မၢး ေသၢာံတီေကတ္ေဟင္၊၊

ႀကိယာ႓ါမ၀ြံ ႓တ္ကႝာတ္စမ္ညိ၊၊ ဒဒွ္မႝဳံအဓိပၸဲါဟြံတုပ္ေရင္သၠံဂွ္ မဂြံတီေကတ္ေရာင္၊၊

• (၁) ဂတာ္ [ သတာ္ ၊ ဗတာ္ ] (သကမၼကႀကိယာ)

• (၂) ဗတုိက္ (သကမၼကႀကိယာ)

(၁) = ပႛဲႀကိယာ႓ါသာ္ဂွ္ ႀကိယာ (ဂတာ္၊ သတာ္၊ ဗတာ္) ဂွ္ ႏြံျပ၀ံက္သာ္၀ြံ၊ ပႜံင္႓းေကတ္ ဗြဲအနိင္၊ ေကတ္ဏာအနိင္အထက္၊ ႓ုိတ္ဂႜံက္ေကတ္ဏာအနိင္ သုီတႜျဒပ္ဟြံတီ၊၊

၀ါက်တုန္၊

• ဒမႜ ဂတာ္စ၊ ( ဒမႜ ဒလစျဒပ္ညး )၊၊

ထ႓းကုဪအသက္သှမြဲရ၊၊ ပႛဲကုဪလိက္ပုံသာရ၀ါန္ေတံ မိကပၜဂၜကုဪမိကပၜထံင္ ညး႓ါၟဲကုဪေဒံ ႓ိင္ေ၀င္ဒၞံင္ဍာ္႓ှတုဲ က်ာံသာရ၀ါန္ ကႜဳင္ကႜတ္တံင္ဂတာ္ေကတ္ဏာမိကပၜဂၜ ညးမြဲသအာင္တံသုီဟဂြံတီေကတ္၊ ခါမတီေကတ္ဂွ္တုဲ ဗုီမိအံက္ကပၜဂၜ ကပၜထံင္ မလ႐ုိအ္ယာံကေရ၀္ကေရာတ္ဂွ္ အၥာက၀ိ ဇန္လ၀္က၀ိသာ္၀ြံ၊

၀ိပက္တမႜာ ကႜဳင္ဒးဟာေကာန္၊ သႛးေကႜံနန္ထ၀္ တၝဲသ၀္ေသာန္ေသာန္၊ ၾသင္ဗတှၾသန္ သၞန္ဂဂၤါ၊ ေကာန္ေစွ္ေ၀င္ဍာ္ က်ာံဂတာ္ဏာ၊ မိယာံပူဆာ လၝာပ္လၝာသန္ေကာန္၊ အုဪဂေဍာင္ယာဲ အုဪနာဲေဂါ၀္ေလာန္၊ တုိင္မိအိုတ္သၠန္ ဂုဏ္ေကာန္ေသာ္ကႛဳိပ္၊ ရမတ္ညံင္ၿဗဲ တူယဲဟိင္ဟုိပ္၊ ဍာ္ရမတ္ႀကဳိပ္ ဟိင္ဟုိပ္သန္ေကာန္၊၊

သအာင္ႏူဂွ္ပႜန္၊

လေဆာ၀္ဒွ္ဗႜာဲ စရာဲေဂါ၀္ဂါ၊ သၞီယုီသတာ္ တံင္သဘာ္ဏာ၊ လေဆာ၀္ေရင္ကာန္ မြဲဟာန္သမၻာ၊ ယုီဟြံသၝှမြဲ ဒဇက္ၿဂဲဏာ၊၊

ဇၞန္က၀ိမဖွ္သာ္ဂွ္သာ္ဂွ္ ႏြံတၜဂႜဳိင္ဂႜင္၊၊

(၂) = ႀကိယာ (ဗတိုက္) ဂွ္ အဓိပၸဲါေဍံ တိတ္ဒွ္႓ါသာ္ပႜန္၊

• (က) တ၀္ေစႝဟ္၊ ဗတုိက္ပႝာန္၊ တၝဳီဗတုိက္ေရင္သၠံ၊

• (ခ) ဆ၀္ပၝဳဟ္၊ ပၝဳဟ္

ပႛဲဂွ္ (က) ႀကိယာဗတိုက္ မႝဳံအဓိပၸဲါ (တ၀္ေစႝဟ္၊ ဗတိုက္ပႝာန္၊ တၝီဳဗတိုက္ေရင္သၠံ) ဂွ္ သာ္၀ြံ သၵးဇန္၀ါက်၊

• သၞိင္ဗၞာအံင္ေဇယ် တသုိင္ကႜဳင္ဗတုိက္ဍဳင္မန္၊၊

• ပႝာန္မန္ကုဪပႝာန္ဗၞာ တ၀္ေစႝဟ္ဗတုိက္ဒၞံင္တၞာလံ၊ ေကတ္ဇႝးညးသၠံဟြံဂြံဏီ၊၊

• မန္ပုဦ ညံင္ေသၢာံစၞိန္ျပမာန္ကၞိန္ဍဳင္ဟံသာ၀တှပႜန္ဂွ္ သၵးတ၀္ေစႝဟ္ သၵးဗတုိက္ပတိတ္ေထာံသႝတံ ႏူကုဪတိဍာ္မန္ပုဦ၊၊

(ခ) ႀကိယာဗတိုက္ မႝဳံအဓိပၸဲါ (ဆ၀္ပၝဳဟ္၊ ပၝဳဟ္) ဂွ္ သာ္၀ြံ သၵးဇန္၀ါက်၊

• အဲ ညာတ္ဒး႐ုပ္မိေဂါ၀္တ႟တ္သၜဒၞံင္တုဲ ျဇဟာန္ဗတုိက္စုိတ္ ႓ုိတ္ရပ္ေကတ္ေကႝဟ္ ခ်ဴေကွ္လိက္မြဲတႝး ဗစုိပ္ဏာမိဂြဳိင္လဂၢန္၊၊

• မာံထ၀္အး ညာတ္ခမှသင္ဂမႜဳိင္မဂေငၝင္စၜပိ႑ပါတ္၊ သဒၶါဗတုိက္စုိတ္တုဲ လံင္ဏာပိ႑ပါတ္ ပတုဲသရင္ဓ၀္ကုသုဪ၊၊

***ယြံတႜပညာလိက္ပတ္မည္ပုဦဂမႜဳိင္ လဟုီအဲမဟုီပေသာင္ကလးဏာလ၀္ နနဲဂွ္ ေဗႜတ္ကုီ ဒြးကုီ ေတာ္ဆျဂင္တီေကတ္ရ၊၊

သြက္ ဂြံသမၱီ ေတၞင္ေ၀ါဟာရမည္မႝဳံကဪုရမ်ာင္မသမုင္ဒၞံင္ရင္သၠံ ညံင္မေ၀ါဟာရ ( ၿပိဳက္ > ပ႐ိုက္၊ ၿပာ္ > ပရာ္ )။ မေ၀ါဟာရတံဂွ္ ဗွ္ပတိတ္ရမ်ာင္ ႓ုိန္သမုင္တုပ္ေလ၀္ နဲခ်ဴ၊ နဲမကံက္အဓိပၸဲါေဍံ ဟြံတုပ္။ တႝဟ္ျခာတၜရ။

ၿပိဳက္

၁၊၊ (သကမၼကႀကိယာ) ⇒ ၿပိဳက္ပ်ဲပ်ာံ၊ ပညးမြဲမြဲ ညံင္ဂြံယဲယာံဂိသေက၀္၊ ပညးမြဲမြဲ ညံင္ဂြံဒွ္ဘဲအႏၱရာဲ၊ to hurt, to injure, to afflict;

၂၊၊ (သကမၼကႀကိယာ) ⇒ ၿပိဳက္စုတ္၊ သိက္စုတ္၊ စုတ္၊ to put into; ... ကတုိင္ပ႐ုိက္ ၿပိဳက္ကုဪမတ္သၨင္၊ (ဇၞန္က၀ိ ႏူလိက္ပုံျဗရတ္ဣဏင္ကင္ရှ)

ပ႐ိုက္

၁၊၊ (နာံ) ⇒ (မနာံ၀ြံ ေစွ္ကႜဳင္ႏူမႀကိယာ - ၿပိဳက္ - မုက္ဂႝန္ ၁ လတူဂွ္) ဘဲပ႐ုိက္၊ ပ႐ုိက္ပတ္ၿဒၜ၊ ပ႐ိုက္ဥပၿဒၜ၊ ဒဒုိက္၊ အႏၱရာဲ၊ ၀ိ၀ဲ၊ ယဲ၊၊ ...

• မည္ပုဦ ဆလံေသၢာံဗႜး ႏူပ႐ုိက္ဗၞာဒၿမိဳဟ္တံေရာ၊၊

• မည္မေကႜာန္စဒၞံင္ ပႛဲဍဳင္ေသံ ႓ိုန္ဒွ္ပ႐ုိက္မဂႜိဳင္ကုဪဗုီေလ၀္ ႏူပ႐ိုက္ဗၞာဂွ္ ပ႐ုိက္ေသံ သာညိေရာင္ဂးတုဲ သၵးမံင္အာ သုီဓ၀္လေအင္ရ၊၊

• ဒႝဲါမသကၠဳပ႐ုိက္၊၊

• ဒႝဲါ႒ာန္မဂႜိဳင္ကုဪပ႐ိုက္၊၊ Hardship, misfortune;

၂၊၊ (နာံ) ⇒ (မနာံ၀ြံ ေစွ္ကႜဳင္ႏူမႀကိယာ - ၿပိဳက္ - မုက္ဂႝန္ ၂ လတူဂွ္ ) မြဲပ႐ုိက္၊၊ holding capacity as of box, bag, etc;

၃၊၊ (နာံ) ⇒ မနာံ၀ြံ ဗြဲပကၠတိေဍံ ဒွ္ဒၞံင္မနာံရ၊၊ သတ္ပ႐ုိက္၊ (လေဆာ၀္ခ်ဴ - သတ္ၿပိဳက္)၊ သတ္ပ႐ုိက္ထမႝာတ္၊ ပ႐ုိက္ဂအှ၊ ပ႐ုိက္ေကြံ၊ ပ႐ိုက္ဗုင္စိင္၊၊

ၿပာ္

(သကမၼကႀကိယာ) ⇒ (မႀကိယာ၀ြံ ရမ်ာင္ေဍံ ၾကပ္တုပ္ကုဪမႀကိယာ-ၿပိဳက္-ေတံရ၊၊ ဆဂး အဓိပဲၸါေဍံ တႝဟ္ျခာ၊ ဟြံတုပ္ရင္သၠံေဟင္၊၊) ⇒ ႐ုီ၊ ဟံင္၊၊ to save, to help; ၿပာ္ဗလး to deliver; ...

• က်ာ္ၿပာ္သတ္ႏူဒဒုိက္သံင္သာ၊၊

• ၿပာ္ညိ ၿပာ္ညိ ... သၝိအဲ တူအာအုိတ္ရ၊၊

• အာလုပ္ၿပာ္ အၾကာညး႓ါမဒွ္ေသြက္ဇုဪဂွ္ ဇကုဒးဘဲကုီရ၊၊

• ပသာ္ေသၢာံၿပာ္ေကာန္မည္ ႏူပ႐ုိက္ဘဲဗၞာေသံတံဂွ္ေရာ၊၊

ပရာ္

(နာံ) ⇒ safety, security; ဗဒုိပ္ပရာ္ refugee camp; ႒ာန္ပရာ္ = ႒ာန္မသကၠဳဘဲပ႐ုိက္၊၊

လိက္တၞံရာဇကုမာရ္ ဘာသာပါဠိ၀ြံ တက္လ၀္ နအကၡ၀္နာဍဴ (Padauk) ေရာင္။ ဗွ္ဟြံဂြံမၢး Download ေကတ္မအကၡ၀္ေဍံ ဒႝဲါဏံညိ။

ၐြဳ။ ဗုဒ္ဓါဒိကံ ၀တ္ထု၀ရံ နမိတွာ ပုညံ ကတံ ယံ ဇိနသာ
သနသၟီ အနာရိကံ ရာဇကုမာရနာမဓေယျေန ၀က္ခာ
မိ သုနာထ မေ တံ ။ နိဗ္ဗာနာလောကနာထဿ အဝီ
သာဓိကေ ဂတေ သဟဿေ ပန ၀ဿာနံ ဆသတေ ဝါ ပရေ တ
ထာ ။ အရိမဒ္ဒနနာမသၟဳ ပုရေ အာသိ မဟဗ္ဗလော ရာဇာ
တိဘု၀နာဒိစ္စော ဥဒိစ္စာဒိစ္စဝံသဇော ။ တဿာသေ
ကာ ပိယာ ဒေဝိ သာ တိလောက၀ဋံသိကာ ဟိ
တေသိ ကုသလာ သဗ္ဗကိစ္စေသု ပန ရာဇိနော ။ တ
ဿာသေကော သုတော ရာဇကုမာရော နာမ နာမ ေ
တာ အမစ္စော ရာဇကိစ္စေသု ဗျာ၀တော သတိမာ
ဝိဒူ ။ အဒါ ဂါမတ္တယံ တဿာ ဒေဝိယာ သော မ
ဟိပတိပသန္နော သဗ္ဗဒါ ဒါသပရိဘောဂေန ဘုည္ဇိတုံ
။ အနိစ္စတာ ၀သံ တဿ ဂတာယ ပန ဒေဝိယာ ရာ
ဇရာဇကုမာရဿ အဒါ ဂါမတ္တယံ ပုန ။ အဝီသ
တိ၀ဿာနိ ရဇ္ဇံ ဓမၟေန ကာရိယမာရနန္တိကရောဂဿ
၀သံ ပတ္တေ နရာဓိပေ ။ သရန္တော ဓမၟရာဇဿ မဟန္တဂု
ဏသညယံ ကာရေတွာ သတ္ထုနော ဗိမ္ဗံ သဗ္ဗသော၀ဏ္ဏ
ယံ သုဘံ ။ ဂဟေတွာ တံ မဟန္တေန သက္ကာရေန သုမာနသော
ဥပသကႅမၟ ရာဇာနံ အာဟ စိန္တိတမတ္တနော ။ ဘာဂံ ကတွာ
နိဒံ သတ္ထုဗိမ္ဗံ သော၀ဏ္ဏယံ သုဘံ အကာသီ ဝေါ ၀
ရံ ပုညံ သာမိ တုမှေ နုမောဒထ ။ ဂါမတ္တယံ ပိ ဝေါ
သာမိ ပုဗ္ဗေ ဒိန္နန္တု မေ အဟံ ဣမဿေ၀ မုနိန္ဒဿ ဒေမိတ
ည္စာနုမောဒထ ။ ဨဝံ ဝုတ္တေ မဟဳပါလောရောဂေ
နာတုရမာနသော သာဓုသာဓူတိ ၀တွာန တုဟတ္ထော
ပမောဒိတော ။ ဒယာပရော မဟာ ထေရော ထေရောမုဂ္ဂလိ
ပုတ္တကော သုမေဓတ္တ သုမေဓောတိလဒ္ဓနာမော စ ပဏ္ဍိတော
ဗြဟၟပါလော တထာ ဗြဟၟဒေဝေါ သမ္ပန္နသဳလဝါ သောနော
ဗဟုဿုတော သံဃသေနဝှေါ ဝရပဏ္ဍိတော ။ ဨတေသံ ပ
န ဘိက္ခူနံ သံမုခါ သော သုမာနသော ဇလံ ပါတေသိ ကတွာန သ
က္ခိန္တု ၀သုဓာ တလံ ။ တတော သော တံ မဟာမစ္စော ဗိမ္ဗံ သော၀
ဏ္ဏယံ သုဘံ ပတိါပိယကာရေသိ ဂုဟံ ကည္စနထူပိကံ ။
ကတွာန မဂႅလံ ဗုဒ္ဓပတိမာယ ဂုဟာယစ အကာသေဝံပဏဳ
ဓာနံ နိဗ္ဗိန္နော ဘ၀သကႅတေ ။ ကရောန္တေန မယာ ဨတံ ယံ ပု
ညံ တံ သမာစိတံ ဟောတု သဗ္ဗညုတညာဏပတိဝေဓာ
ယ ပစ္စယော ။ ယတ္တကာတု မယာ ဒါသာဂါမတ္တယနိဝါ
သိနော ဒိန္နာ ဂုဟာယ သော၀ဏ္ဏပတိမာယ မဟေသိ
နော ။ ပုတ္တော မေ ဝါ ပပုတ္တော ဝါ အညော ဝါ ပန ညာ
တကော ယော ကောစိ ပါပသံကပ္ပော နရော အဿဒ္ဓ
မာနသော ။ ကရေယျုပဒ္ဒုဝံ တေသံ ဒါသာနံ သော နရာဓမော
မေတ္တေယျဒိပဒိန္နဿ ဒဿနံ နာဓိဂစ္ဆတူ
တိ ။ ၀ ။

ယက္လၸကဪုလုပ္မတ္၊ ဂမၱၜပၞတ္လၸဒုင္၊ ကႛိဳပ္ပုင္လၸဟာပ္၊ ဇၞာပ္ဍာ္လၸသုင္။

1. ယက္လၸကဪုလုပ္မတ္ မၢးဂွ္ လညာတ္ေဒၢတ္ပြပူဂဪုသမႜီဳ ေဍံမဒွ္ေဒၢတ္မၝးႏူသာသနာက်ာ္တံဂွ္ ဟဂပ္၀္ဂိုင္ေကတ္။ လၸဒေဂတ္ဗက္ ပႛဲကဪုပြမယုတ္မာတံဂွ္ညိ။
2. ဂမၱၜပၞတ္လၸဒုင္ မၢးဂွ္ဂလာန္ပူဂဪုသမႜီဳမၝးႏူသာသနာက်ာ္တံဂွ္ ေဍံမဟီုအာ နကဪုဒုစ႐ိုတ္မသုန္တံဂွ္ ဟဂပ္၀္ပေတွ္၊ ဟဂပ္၀္ဂိုင္ေကတ္။ လၸေဒၢတ္ဗက္ ပႛဲကဪုဂလာန္ပူဂဪုသမႜီဳမယုတ္မာတံဂွ္ညိ။
3. ကႛိဳပ္ပုင္လၸဟာပ္ မၢးဂွ္ ဂလာန္မြဲ ကသပ္မြဲ ဟြံမြဲကဪုဂလာန္က်ာ္ ေဍံမဒွ္မၝးႏူသာသနာတံဂွ္ ဇကုမခ်ပ္ကီု၊ မပကီု၊ မဒေလာံေဗၱာန္ညးကီု၊ ပႛဲပြပိစြံ၀ြံ ဟဂပ္၀္ပသက္က္ညိ။
4. ဇၞာပ္ဍာ္လၸသုင္ မၢးဂွ္ ပႛဲဂကူမယုတ္မာကီု၊ ပႛဲထာန္ဍဳင္ကြာန္မဟၞဲကဪုပူဂဪုတႜပညာဂွ္ကီု မဒးဟုဲဟာဲေကုာံပူဂဪုသမႜီဳကီု၊ မပတုဲဒါန္ မင္သှ ပၞ၀္ဘာ၀နာ နကဪုအမိႆသဒၶါကီု၊ ပႛဲကဪုပြမယုတ္ပန္စြံတံ၀ြံဂွ္ လၸဟုဲဟာဲ၊ လၸပဒတၜမြဲစြံအိုတ္ညိ။

(ဂလာန္တံဂွ္ ကံက္နင္ ႏူသႜပတ္မည္မႝဳံယၞဳ - သာရသဂၤဟ၊)

ဟိုတ္အဲလုလန္ ဟြံတန္ဟိရိ၊ ႐ိုဟ္တၝဲပသၱိ သတီညိရ၊ ဂႜဲါအာတ္စၾကင္ ဟိုတ္ကႜင္မသ၊ ဂလာန္ဗုဒၶ သၞတ္ပသတိ၊ ဟိုတ္ဒါန္ဟြံမြဲ တူယဲဖိဖိ၊ ဒးကႜင္ဒိုက္ဂိ ၀ိစိကိစၧာ၊ ရမတ္ကႛဟ္ဟ္ ဂႜဲါဗွ္သနာ၊ ဟိုတ္၀ှပက္ကႜာ ဒဒိုက္ပါၿမိ၊ လၞဳဟ္အဲမြဲ တူယဲကႜင္ဂိ၊ ကႜင္မခိုဟ္ညိ မိမႏြံတၜ၊ ကႜင္သှမူေရာ ႏြံကဪုေကာယၜ၊ ကႜင္လဇုအၜ ဗၜႏြံခိုဟ္ညိ၊ ယဲတိုန္မဂး ဒွ္သနးမိ၊ ကႜင္အိုတ္ဇိ၀ိ ဒဒိုက္ဂိကၱာန္၊ မြဲညးဟြံရံင္ ၾကင္မံင္အၾကာကြာန္၊ စိုတ္အာန္တႝာန္ ခ်ပ္ဟြံမာန္ရ၊...

ညံင္ဒဒိုက္အဲ ဟြံမြဲကဪုသၝိ၊ အတိက္ေတံစိ ယုတၱိေသင္ဟာ၊ ဟိုတ္ေအာန္ဒါန ဒးပလ၀္ကႜာ၊ ဒးကႜင္လၝာပ္လၝာ သိင္သာဒမႜိ၊ ရမတ္ကႛဟ္ဟ္ ဗွ္မကဪုမိ၊ ယိုက္နသြက္ရိ ကႜင္ဂိေကြံရ၊ ဒဇှဒေဇာတ္ ရမတ္ပ်ပ်၊ ကႜင္ႚေကာ၀ ကႜင္မသဂိ၊ ပညးကႜင္ယာဲ ေနာ္နာဲႏြံညိ၊ ဒွ္သနးမိ ယာတ္ကႜိဂြံၾကၜ၊ အာၿဂိဳပ္စိုပ္ကႜဳင္ ဂြံပုင္မြဲဂႝၜ၊ ေနာ္ဟြံမြဲအၜ ဗၜႏြံခိုဟ္ညိ၊ ဗွ္တိုန္သၞိက္ခ်ိဳတ္ ပႛဲစိုတ္ညံင္ဂ်ိ၊ ႐ိုဟ္တၝဲဒမႜိ ဗွ္မိက်ာ္ဂန္။...

ဗွ္ေနာ္တရ ဗၜလဓဇန္၊ ဒးကႜင္လၝဳလၝန္ စိုတ္ဟြံတန္ညိ၊ ယာံမံင္ၿဗိဳဟ္ဟ္ တသိုဟ္တသိ၊ ႐ိုဟ္တၝဲဒမႜိ ဇၞာပ္သၝိဂႜဲါၾကင္၊ အာတ္ခဲါစသြံ ဟြံဂြံလင္င္၊ ဒဒုိက္ရိင္ကၱင္ ေကာန္တမႜင္ယာဲ၊ တက္ႀသိဳဟ္ဆာံဆာံ ဆဒးယာံဂႜဲါ၊ ရမတ္ဏှခ်ာဲ ဗလာဲစကၡဳ၊ ၀ှပက္ယာဲအၜ ဟြံမြဲဗၜဇု၊ လႝီသာ္၀ြံ လၝဳသန္ရယာဲ။...

မိမကႜင္ေဗာ္ ညံင္ႏြံေနာ္နာဲ၊ သှမူၟဲဗာဲ ဗွ္ဒးႀသာဲျခာ၊ စံင္တူလၝင္လၝ ယာံထသပါ၊ ဟိုတ္ကံတမႜာ ဘ၀ဟာယာဲ။...

နဳင္နထၞာဲ သၝိတာဲစာ္ျခာ၊ ေျဂမ္ဒက္ညံင္ႀတဲ တုပ္နဲယာတ္သၞာ္၊ ေကာေဒံဖအိုတ္ ပၚစိုတ္ျခာႀသာဲ၊ အဲမြဲကႜင္ထၞာဲ ယာဲဂႜဲါဟြံဆဪု၊ အတိက္ေတံပႜန္ ဟိုတ္ေအာန္ကုသဪု၊ ဒဒုိက္ကႜင္ၿပဪဳ ကႜဳင္ဗဪုညိယာဲ။...

နဳင္နထၞာဲ သၝိတာဲစာ္ျခာ၊ ဂႝိန္ယာတ္ညံင္ရဲ တုပ္နဲယာတ္သၞာ္၊ စပုင္သုင္ဍာ္ ႀသိဳဟ္ပၚရယာဲ။...

ပႛဲစိုတ္ေကာန္ကႜင္ ညံင္တဟင္ၿဒာဲ၊ ဟြံတန္မြဲဒႝဲါ ဂဪုဍာဲလ်းပႜိဳတ္၊ ဒဒိုက္ၿခီၿခီ ဗွ္လႝီစိုတ္၊ တက္သိုဟ္ဂပိုတ္ ေကာန္ခ်ိဳတ္ရယာဲ။...

ဆညးယာံေကာ္ ဗွ္ေနာ္ျခာသာဲ၊ ေကာယၜၟဲဗာဲ မူဒႝဲါဟြံတီ၊ ဒဒိုက္ၿခီၿခီ လႝီေကာန္ကႜင္၊ ရမတ္ေဇြာ၀္ေလင္ ေပင္မုက္ရယာဲ။...

ပႛဲစိုတ္ညံင္ဂ်ိ ဗွ္မိျခာသာဲ၊ စံင္တူေျဇဟ္ၿဇာဲ ယာံဂႜဲါပယတ္၊ ဒဒိုက္ေကာန္ကႜင္ လႝီကင္ဇတ္၊ ဒးခ်ိဳတ္ဖတ္တ္ သၞတ္ေကြံရယာဲ။...

ညံင္ဒဒွ္တဲ တူယဲေလာံလာဲ၊ ဟြံတန္မြဲဒႝဲါ ယာံဂႜဲါရေရာ၊ မိက်ာ္ဂန္အၜ ဒၜေထာံလ၀္ေကာန္၊ ကံကသူေကႝင္ ေတၞင္ေကြံရယာဲ။...

ညးႏြံဗၜလ ဇိက္ဗၝတဪုတာဲ၊ ဂြံသန္ေပင္ဒဲါ ဂႜဲါခ်ပ္နာနာ၊ ဒါန္ညးဂြံကဪု ကုသဪုဇၞာပ္ဘာ၊ ေကာန္ကႜင္သိင္သာ ဗွ္သႝာယာဲ။...

ရမတ္ႀသီဳႀသီဳ ဗီုဍာ္ပလာဲ၊ ဒတုံေစွ္ခ်ာဲ ယာံဂႜဲါမိမ၊ ေတံညးႏြံေကာံ ႏြံတၜကဪုလ၊ အဲမြဲၞႚ၀ သိက္ပေရာယာဲ။...

သှမူကႜင္ေဗာ္ ညးႏြံေနာ္နာဲ၊ ေကာယၜၟဲဗာဲ ေဒံဗႜာဲမြဲ႓ါ၊ အိုတ္သအးလင္င္ ေသႝဟ္သင္ေၿပာဲဇြာ၊ မူကံတမႜာ ဒးျခာႏူယာဲ။...

ၿဗဲမြဲ၀ွ္ဂူ ဗဟူဂႜိဳင္ဒႝဲါ၊ ဍာ္တမိုဟ္ခ်ာဲ ဗလာဲၾကဳင္႓ှ၊ တညင္ေလပ္ဇတ္ ဒွ္သၞတ္သက္သှ၊ ဍာ္ရမတ္ဏှ ကႜင္ဟှဂုန္ယာဲ။...

ဟြံမြဲေသႝဟ္သင္ ကႜင္ကာဲတနာဲ၊ ယာံဂႜိဳင္ေျဇဟ္ၿဇာဲ ႏူဗလာဲမတ္၊ တမိုဟ္ၿဗံင္င္ ေဇြာ၀္ဒၞံင္ေရာဇတ္၊ ဒးခ်ိဳတ္ဖတ္တ္ သၞတ္ေကြံရယာဲ။...

စိုတ္ေကာန္ကႜင္၀ြံ ညံင္ဆုမာၿဒာဲ၊ ဟြံတန္မြဲဒႝဲါ ဒုင္ဗလာဲဍာ္၊ ဥပမာဗီု တိတ္ဟီုတြံဖ်ာ္၊ ဟြံညာတ္မြဲသာ္ ႀသိဳဟ္ပၚရယာဲ။...

ဗွ္တိုန္သၞိက္ခ်ိဳတ္ ပၚစိုတ္ယာံဂႜဲါ၊ အဪုတရနာဲ ၟဲဗာဲေကာယၜ၊ ဟြံညာတ္ေသႝဟ္သင္ ေကာန္ကႜင္စိုတ္ကၱၜ၊ ဒက္ေဒါန္ဇ၀ၜ ဗၜသနးယာဲ။...

ႏူေဍာတ္ေသင္ဟာ ဒွ္အာ၀ုတ္ဗႜာဲ၊ ကႜင္ကာဲတႝာဲ ညံင္ၿဒာဲဒး၀ပ္၊ ေကာန္ကႜင္ပၚစိုတ္ ကႜင္အိုတ္ကသပ္၊ အဲမြဲဒၞံင္ကႝပ္ ဗိုင္ခ်ပ္ညိယာဲ။...

တုပ္ၿဇဲေဒါ၀္၀ါ ပမာဟီုဂႜဲါ၊ သႜျပဟ္ကႝာင္ခ်ာဲ တမ်ာဲတၝဲသၠာတ္၊ တနဳင္ကမ၀္ ေဍာင္ဇ၀္ဓဂါတ္၊ ကႜဳင္ဒွ္ဥပၸါတ္ ေကာန္ဟြံညာတ္ယာဲ။...

ဟြံမြဲေသႝဟ္သင္ ကႜင္ကာဲတႝာဲ၊ ဒဒိုက္သၠာတ္သာဲ ယာံဂႜဲါသှမူ၊ ဍာ္ရမတ္အဲ ညံင္ဗီုၿဗဲဂူ၊ ဆဒးစံင္တူ ဒမာႏူယာဲ။...

မံင္ၾကာညးကြာန္ နှဒါန္ကႜင္တၞာဲ၊ လၝစိုတ္ဂဪုဍာဲ ညံင္ဗလာဲရတ္၊ က်ာ္ဂန္ဟြံတီ လႝီၿဗဲမတ္၊ ေဇြာ၀္မံင္ရမတ္ တီဇတ္ေရာယာဲ။...

ဓဇန္ဒးသာဲ ဆယာံဂႜဲါေကာ္၊ ကႜင္သှကႜင္ေနာ္ အိုတ္ေဗာ္မသ၊ ဟြံမြဲေသႝဟ္ၾသင္ ဂႜဲါၾကင္အာတ္စ၊ စံင္တူေဟာံျဇ ႏူဘ၀ေရာ၊ ဒွ္မႝိဟ္ပႛဲလိုက္ ကႜင္ဒိုက္ကေလာ၊ ဟြံမြဲေဒံေကာ ဂႜိဳင္ၾသစာ္ျခာ၊ ဗွ္တိုန္စိုတ္လီု တုပ္ဗီုတႝံတာ၊ မူကံတမႜာ ဒးသိင္သာေရာ။

(ဇၞန္က၀ိတံဂွ္ ကံက္နင္ ႏူလိက္ေကာန္ကႜင္ က်ာ္ေဇႝာ္ဥတၱမ မဆန္လ၀္ ပႛဲသကၠရာဇ္ ၁၂၅၇၊)
--------------------------------------------------------

ကႜင္ (သကမၼကႀကိယာ) = တမႜင္ (နာံ၊ နာံ၀ိေသွ္)
ေကာန္ ကႜင္မိမ။ (၀ါက်၊ Sentence)
ေကာန္တမႜင္မိမ၊ (နာံပြံင္၊ Noun phrase)/ ေကာန္တမႜင္မိမ ဒွ္ဒဒိုက္ေလာန္ႏူညး။ (၀ါက်၊ Sentence)